જનરલ બિપિન રાવતને બનાવાયા દેશના પહેલા ચીફ ઓફ ડિફેન્સ સ્ટાફ: સૂત્ર

નવી દિલ્હી: દેશના પહેલા ચીફ ઓફ ડિફેન્સ સ્ટાફ એટલે કે CDSના નામની જાહેરાત કરી દેવાઈ છે. સૂત્રોના હવાલે જાણવા મળ્યું છે કે હાલના સેના પ્રમુખ જનરલ બિપિન રાવત (Bipin Rawat)  દેશના પહેલા ચીફ ઓફ ડિફેન્સ સ્ટાફ બનાવવામાં આવ્યાં છે. જો કે હજુ તેની અધિકૃત જાહેરાત થવાની બાકી છે. બિપિન રાવત સરકારના સૌથી મોટા સૈન્ય સલાહકાર હશે. સીડીએસ 31 ડિસેમ્બરે પદભાર સંભાળશે. 31 ડિસેમ્બરે જ જનરલ બિપિન રાવત સેના પ્રમુખ પદથી રિટાયર થવાના છે. ત્યારબાદ લેફ્ટેનન્ટ જનરલ મનોજ મુકુંદ નરવાને સેના પ્રમુખનું પદ સંભાળશે. 

અત્રે જણાવવાનું કે સરકારે 24 ડિસેમ્બરે જ અધિકૃત રીતે CDS બનાવવાની જાહેરાત કરી દીધી હતી. સીડીએસ ફોર સ્ટાર જનરલ  હશે અને તે રક્ષા મંત્રાલય હેઠળ આવનારા એક નવા વિભાગ, ડિપાર્ટમેન્ટ ઓફ મિલિટ્રી અફેર્સના સેક્રેટરી તરીકે કામ કરશે અને સરકાર (રાજનૈતિક નેતૃત્વ)ને સૈન્ય મામલાઓ પર સલાહ આપશે. સરકારે સ્પષ્ટ કરી દીધુ કે ચીફ ઓફ ડિફેન્સ સ્ટાફ સીધી રીતે આર્મી, વાયુસેના અને નેવીના કમાન્ડ અને યુનિટ્સને કંટ્રોલ નહીં કરે. પરંતુ તેના હેઠળ સેનાના ત્રણેય પાંખોના જોઈન્ડ કમાન્ડ અને ડિવિઝન હશે. 

અત્રે જણાવવાનું કે સરકાર દ્વારા જનરલ બિપિન રાવતને ભારતના પહેલા ચીફ ઓફ ડિફેન્સ સ્ટાફ તરીકે નિયુક્ત કરવાની ઈચ્છા જાહેર થયા બાદ સંરક્ષણ મંત્રાલયે સેના નિયમો, 1954માં કાર્યકાળ અને સેવા નિયમોમાં સંશોધન કર્યું છે. મંત્રાલયે 28 ડિસેમ્બરે પોતાના નોટિફિકેશનમાં કહ્યું છે કે ચીફ ઓફ ડિફેન્સ સ્ટાફ (CDS) કે ટ્રાઈ સર્વિસિઝ પ્રમુખ 65 વર્ષની આયુ સુધી સેવા આપી શકશે. 

આ VIDEO પણ ખાસ જુઓ...